forest

Forest, f. acut. Sylua, Du Tillet en son recueil des Rois de France explique ainsi ce mot: Le mot Forest, vieux bas Allemand, convenoit aussi bien aux eauës qu'aux bois, signifiant Deffens, Childebert donne à l'abbaye Sainct Germain Des prés à Paris son domaine d'Iscy, sa pescherie de Vanves, et autres estans en la riviere de Seine, despuis le pont de la cité, jusques au ru de Sevre, telles qu'il les tenoit, et que sa forest estoit. Charles le chauve donne à l'Eglise Sainct Denys en France la seigneurie de Charnocé en Thierache, avecques la forest de pescher dedans certains limites, et d'autre part la seigneurie de Rueil, et la forest d'eauë despuis la riviere de Savre jusques à certain lieu. Et à l'abbaie Sainte Benigne de Dijon, la forest des poissons de la riviere d'Ousche. Par laquelle interpretation dudit du Tillet, forest seroit droit de prohiber autruy de pescher ou buschoier, és pescheries et bois, que en aucuns pays de ce Royaume, on appelle Deves a Vetando. comme si forest descendoit par composition de Foris et Sta, qui est forme d'interdire l'accés et entrée de quelque lieu à autruy, et comme en usent les mariniers et autres gens d'eauë quand ils advertissent les abordans avec vaisseaux, qu'ils se tirent au loin d'un mauvais escueil, rocher ou autre passage.

Forest, Sylua.

Petite forest, Syluula.

Une forest de chesnes, Quercetum.

Une forest espesse où les bestes paissent et se retirent en temps d'esté pour la chaleur du soleil, Saltus.

Forests fortes de bois, espesses et tresempeschantes, Impeditissimae syluae.

Une forest où il croist du gland, Glandaria sylua.

Forest obscure et espesse, Atrum nemus.

Forests qui rendent force fruits, Munifica syluarum genera.

Forest reservée pour paistre les bestes, Sylua pascua.

Forests tremblantes et brandillantes, Coruscae syluae.

Forest où il y a arbres de diverses sortes et sans ordre, Barbarica sylua. Columel.

Thresor de la langue françoyse. Jean Nicot.